Glèidh àitè aig an Sgoil Shamhraidh Dràma le bhith lìonadh foirm-iarrtais air-loidhne ro Dihaoine 1 Ògmhios. Thèid fàilte a chur air iarrtasan bho dheugairean le Gàidhlig a bhios eadar 13 agus 18 aig àm na Sgoile.
Bidh an sgoil chòmhnaidh a’ gabhail àite ann am Port Rìgh eadar Diluain 2 agus Disathairne 14 Iuchar ach tha roghainn aig tagraichean cuir a-steach airson àite a mhaireas 6 no 12 latha.
Rè na Sgoile gheibh compàirtichean oideachadh air leth ann an roghainn farsaing de sgilean dràma le torr spòrs ‘s fealla-dhà na chois. Chan eil eòlas air dràma no cleasachd riatanach gus pàirt a ghabhail san Sgoil Shamhraidh.
Gus àite fhaighinn aig an Sgoil Shamhraidh Dràma chan fheumar ach an fhoirm-iarrtais air-loidhne a’ lìonadh a lorgar le tuilleadh fiosrachaidh aig www.feisean.org/ssd
Airson tuilleadh fiosrachaidh mun Sgoil Shamhraidh Dràma no mun fhoirm-iarrtais cuir fios gu Oifigear Dràma Fèisean nan Gàidheal Aonghas MacLeòid le post-d air angus@feisean.org no fòn thuige air 01463 225 559.
Tha an Sgoil Shamhraidh Dràma maoinichte le Bòrd na Gàidhlig, Iomairt na Gàidhealtachd ‘s nan Eilean, Alba Chruthachail agus Comhairle na Gàidhealtachd.
