Airson barrachd na trithead bliadhna, tha Fèis a’ Bhaile air a bhith a’ ruith ann an Inbhir Nis agus a’ cur bùthan-obrach ciùil is cultarail air dòigh do chloinn is daoine òga aois 5-18. Thathar a’ toirt chothroman an dà chuid do luchd-tòiseachaidh agus luchd-ionnsachaidh nas adhartaiche gus na sgilean aca a thoirt air adhart ann an suidheachadh càirdeil agus neo-fhoirmeil.
Clasaichean leantainneach
Bidh an Fhèis a’ ruith clubaichean bogsa agus feadan air an Dìdomhnaich mu dheireadh de gach mìos. Barrachd fios bho feisabhaile@feisean.scot
Ionnsramaidean air màl
Tha stòras ionnsramaid aig an Fhèis. Nam bu toigh leibh ionnsramaid a thoirt a-mach màl, nach cuir sibh fios thugainn.
