Tha Fèisgoil a’ lìbhrigeadh sheirbheisean cànain, ciùil, ealain is cultair do sgoiltean, ùghdarrasan ionadail, buidhnean poblach agus buidhnean coimhearsnachd air feadh Alba.
Seo taghadh de na pròiseactan a bhios Fèisgoil a’ tabhann:
- Seiseanan Gàidhlig ann am bun-sgoiltean far a bheilear ag ionnsachadh na Gàidhlig mar chànan a bharrachd (C1+2)
- Cuairtean timcheall àiteannan agus làraichean eachdraidheil
- Clasaichean ciùil is seinn
- Làithean de bhlasad na Gàidhlig
- Obair dràma le dealbhan-cluiche Gàidhlig agus dà-chànanach
- Seiseanan cànain eadar-ghinealach gus beairteas cainnt a neartachadh
- Cur-seachadan tro mheadhan na Gàidhlig aig Fèisean is tachartasan coimhearsnachd … is barrachd
Gheibhear tuilleadh fiosrachaidh mun t-seirbheis an seo agus chithear bhideo de na clasaichean Blasad Gàidhlig againn gu h-ìseal. Tha eisimpleirean de na goireasan teagaisg a bhios sinn a’ cleachdadh mar phàirt den t-seirbheis seo ri faotainn air gach duilleag fa leth.
