Seo far am faighear goireasan foghlaim do luchd-teagaisg agus oidean a tha Fèisgoil air cruthachadh thar nam bliadhnaichean. Brùth air na cinn gu h-ìosal airson goireasan iomchaidh a lorg.
CÀNAN
Don òigridh:
- Blasad Gàidhlig
Tàr-sheallaidhean den chànan a thèid a theagasg tron t-seirbheis cànain againn do chlann a tha ag ionnsachadh na Gàidhlig mar chànan a bharrachd. - Beairteas: Air Bhioran
Briathrachas, òrain Ghàidhlig agus stiùireadh bhidio a thaobh fighe agus eachdraidh a’ chiùird air a’ Ghàidhealtachd. - Beairteas: Sgeulachdan, Rannan & Tòimhseachain an Taobh Siar • Bhidiothan Sgoil Shiaboist • Bhidiothan Sgoil Bhreascleit
Goireas bho Sgoiltean Bhreascleit agus Sgoil Shiaboist ann an Leòdhas a dh’ionnsaich agus a chlàr rannan agus sgeulachdan bho na sgìrean aca fhèin gus a thoirt seachad don ath-ghinealach. - Tutagan • Bhidiothan
Briathrachas agus òrain Ghàidhlig do na Tràth Ìrean, air a lìbhrigeadh le Kaitlin Ross.
Do dh’inbhich:
- Eòlas air a’ Ghàidhlig: Deoch-slàinte (Fonndrais Uilleim Ghrannd)
Cruinneachadh de dh’òrain co-cheangailte ri uisge-beatha agus deoch-làidir san fharsaingeachd.
Faicibh ‘Pròiseactan Fa-leth’ gu h-ìosal airson barrachd ghoireasan iomchaidh (pròiseactan iomadh-ealaineach m.s.a.a.)
CEÒL
- Stòr-data Òrain Ghàidhlig FnG
Na h-òrain air fad a tha sinn air cruinneachadh agus air cruthachadh thar nam bliadhnaichean tro dhiofar phròiseactan. - ICO: Pasgan nan Òran
Òrain Ghàidhlig agus Albais le faclan feumail agus ceistean gus tuigse an òigridh air na h-òrain a leasachadh. - ICO: Stòras na Fìdeig
Puirt shìmplidh, dòighean-teagaisg aig diofar ìrean gus misneachd a thogail agus adhartas a bhrosnachadh, agus beachdan air structar clas. - ICO: Thigibh is Cluichibh
Goireas bhidio a’ togail air obair Stòras na Fìdeig. Anns gach bhideo, cluichidh an luchd-ciùil am port gu mal, meadhanach mal agus gu siùbhlach ma tha seo freagarrach, leis an dùil gum bi seo feumail do chluicheadairean aig diofar ìrean. - ICO: Pasgan nam Fìdeag
Beachdan a bharrachd airson puirt air an fhìdeig, air am measadh aig diofar ìrean le ceòl sgrìobhte agus taic a bharrachd don chluicheadair le diagram. - Seinn: Uibhist & Barraigh • 2022-23 & 2023-24 | 2024-25
Goireas òrain bhon phròiseact Seinn a thèid a lìbhrigeadh do gach clas ann an Uibhist agus Barraigh ann an co-obrachadh le CnES. - Saoghal na Cloinne Bige
Co-obrachadh le CnES gus òrain a dhèanamh a’ riochdachadh latha ann am beatha bèibidh – freagarrach do phàrantan agus an cuid chloinne òga. - Pasgan Òrain Nollaige FnG
Cruinneachadh de dh’òrain Nollaige agus òrain gheamhradail, an dà chuid traidiseanta is ùr, freagarrach do chlann.
Faicibh ‘Pròiseactan Fa-leth’ gu h-ìosal airson barrachd ghoireasan iomchaidh (pròiseactan iomadh-ealaineach m.s.a.a.)
DRÀMA
- Hùb Hàb: Latha Mòr nan Geamaichean Gàidhealach • Faclan Feumail | Òrain | Cur-seachadan
- Meanbh-chuileag: Cà’ Deach a’ Chlach? • Abairtean & Faclan | Òrain | Anns a’ Chathair Theth (Eacarsaich Dràma) | Clàr EFI
- Panto: Seocan & am Bogsa-ciùil • Faclan & Abairtean | Òrain | Sgriobt
- Sgioba G: Geamaichean Gàidhlig
Geamaichean do dh’fhileantaich agus luchd-ionnsachaidh.
PRÒISEACTAN FA-LETH
Do chlann bun-sgoile:
- Seachdain na Gàidhlig: Guth
- Treòir | Voar | Virr – Bileag Òrain
Òrain às na h-eileanan – Sealtainn is Arcaibh cuide ri eileanan na Gàidhealtachd – a chaidh a chruinneachadh le seinneadairean nan sgìrean agus a chaidh a theagasg mar phàirt den dàrna earrann de TVV ann an 2022-23. Tha ceangal do chlàradh an cois gach òran sa ghoireas, cuide ri faclan agus barrachd fiosrachaidh. - Tabhaich (Sgoiltean) • Bileag – Obraichean Gàidhlig & Faclan-iasaid | Geama-seòrsachaidh – Obraichean | Sorting Game – Loanwords
Do chlann àrd-sgoile:
- NEART • Taisbeanadh
Pròiseact anns an robh FnG an sàs le àrd-sgoilearan CnES ann an co-obrachadh le Foghlam Alba agus e-Sgoil, a’ bruidhinn riutha mu na còraichean aca a thaobh na Gàidhlig anns an sgoil, anns a’ choimhearsnachd agus ann an saoghal na h-obrach.
Do chlann agus inbhich:
- Tabhaich (Coimhearsnachd): Eilean Thiriodh | Eilean Cholla | Eilean Bhòid
Bileagan fiosrachaidh co-cheangailte ri eachdraidh na Gàidhlig, faclan-iasaid, ainmean-àite na sgìre, luchd-ciùil na Gàidhlig agus òrain Ghàidhlig ionadail. - Fuaran
Pròiseact rannsachaidh do luchd-labhairt òga na Gàidhlig far am faighear cothrom òrain a rannsachadh agus a chlàradh airson an glèidheadh. - Oide
Cùrsaichean ann an iomadh ionnsramaid bho luchd-ciùil ainmichte ann an saoghal ceòl traidiseanta. Faodaidh feadhainn le ùidh clàradh airson plana aig trì diofar ìrean, a’ tòiseachadh aig £10/mìos.
