‘S e sgeama a th’ ann am Maoin nan Ealan Gàidhlig, maoinichte le Alba Chruthachail agus Bòrd na Gàidhlig, air a riaghladh le Fèisean nan Gàidheal is fosgailte do bhuidhnean is daoine fa leth.
Tha £75,000 ri sgaoileadh ann an 2023-24. Ged a tha Fèisean nan Gàidheal a’ ruith an sgeama, thèid co-dhùnaidhean air tabhartasan a dhèanamh le panail a chaidh a stèidheachadh leis na buill a leanas:
- Iain Mac a’ Ghobhainn
- Art MacCarmaig (Fèisean nan Gàidheal)
- Magaidh Nic a’ Ghobhainn
- Sarah NicEachainn
- Anna NicGuaire (Alba Chruthachail)
- Brian Ó hEadhra (Bòrd na Gàidhlig)
Gheibhear clàr an com-pàirtean an seo.
Bidh aon cheann-là eile ann airson iarrtasan:
- 5f Dihaoine 10.11.2023
Feumar tagradh sgrìobhte ullachadh ‘s bidh muinntir Fèisean nan Gàidheal agus Alba Chruthachail a’ measadh phròiseactan.
Tha Maoin nan Ealan Gàidhlig ann gus taic a chumail ri pròiseactan ealan Gàidhlig a chur an gnìomh. Ann an 2023-24 bidh prìomhachas ga thoirt do phròiseactan:
- Air an lìbhrigeadh tro mheadhan na Gàidhlig
- A bhios a’ cur ri cleachdadh no ionnsachadh na Gàidhlig
- Bho luchd-ealain fa leth, buidhnean de luchd-ealain, no buidhnean-ealain gus obair a chruthachadh no a thaisbeanadh
- Le compàirteachas eadar-nàiseanta
- Bho luchd-ealain fa leth airson feumalachdan leasachaidh a choilionadh
- A’ togail sgilean gnìomhachais ann am buidhnean-ealain no coimhearsnachdan a chuireadh ri seasmhachd.
Chan urrainnear Maoin nan Ealan Gàidhlig a chleachdadh:
- Mu choinneamh maoin eile bho Alba Chruthachail no Bòrd na Gàidhlig
- Airson co-fharpaisean a chur air dòigh.
Gheibhear stiùireadh agus foirm iarrtais air taobh deas na duilleige ann an cruth PDF. Dh’fhaodar seo a shàbhaladh agus a chur thugainn tro phost-d meg@feisean.org. Dh’fhaodar clàradh tron cheangal seo airson foirm a lìonadh air-loidhne. Aon uair ‘s gu bheilear clàraichte, gheibhear ceangal tro phost-d agus dh’fhaodar a dhol air adhart le iarrtas.
Gheibhear tuilleadh fiosrachaidh anns a’ bhideo seo a chaidh a chlàradh aig seisean beò air loidhne a rinn Art MacCarmaig le stiùir airson tagraichean do Mhaoin nan Ealan Gàidhlig agus Tasgadh.
Eisimpleirean
Tac an Teine
Gaspard’s Foxtrot
Kit Rodman-Orr
