Ged nach bi Fèisean an t-samhraidh a’ tachairt san dòigh àbhaisteach, tha sinn uabhasach toilichte gum bi clasaichean air-loidhne ri fhaotainn bhuapa.
Bidh na clasaichean an-asgaidh ged a chuireamaid fàilte air tabhartas sam bith gus ar cuideachadh le cosgaisean an cur air dòigh. Ma tha e comasach dhuibh tabhartas a thoirt dhuinn, ghabhadh sin a dhèanamh tron duilleag JustGiving againn.
Tha Fèis Eilean an Fhraoich, Fèis Throndairnis agus Fèis Air an Oir air taghadh de chlasaichean a thabhann air-loidhne eadar 27-31 Iuchar, nuair is àbhaist do na Fèisean a bhith a’ tachairt. Gheibhear barrachd fiosrachaidh agus cothrom àite a ghlèidheadh le bhith leantainn nan ceanglaichean gu h-ìosal. Aon uair ‘s gu bheil sibh air taghadh a dhèanamh bidh àite air a ghleidheil dhuibh airson Diluain gu Dihaoine.
‘S ann airson clann eadar 8 (no tòiseachdainn ann an clas 4 san Lùnastal) suas gu 18 bliadhna a dh’aois a tha na clasaichean fa-leth. Bidh cothrom aig com-pàirtichean aois 5-7 (no tòiseachadh clas 1 sa Lùnastal) clas seinn a dhèanamh. Bidh buth-obrach feasgar air leasachadh puirt agus obair-bhuidhne dha àrd-sgoilearan a-mhàin.
10m – 1030m gach latha
Seinn – (5-7 bliadhna a dh’aois)
Fidheall – (luchd-tòiseachaidh)
Giotàr – (luchd-tòiseachaidh)
Feadan – (luchd-tòiseachaidh)
Bogsa – (Adhartach)
Fìdeag – (Adhartach)
11m – 1130m gach latha
Seinn – (Clann nas sine na 8)
Fidheall – (Eadar-mheadhanach)
Giotàr – (Eadar-mheadhanach)
Feadan – (Eadar-mheadhanach)
Bogsa – (Eadar-mheadhanach)
Fìdeag – (Eadar-mheadhanach)
12f – 1230f gach latha
Seinn – (clann nas sine na 8)
Fidheall – (Adhartach)
Giotàr – (Adhartach)
Feadan – (Adhartach)
Bogsa – (Luchd-tòiseachaidh)
Fìdeag – (Luchd-tòiseachaidh)
2f – 330f gach latha
Puirt/Obair-bhuidhne – (Eadar-mheadhanach/Adhartach airson àrd-sgoilearan)
